الاسئلة الشائعة
عادي نطلب مقاسين ونختار واحد ؟
نعم، بالتأكيد 🤍 تقدري تحطي المقاسات اللي تبيها في السلة، ولما يوصلك الطلب تختاري المناسب، وتدفعي للمندوب على اللي خذيتيه فقط، والباقي ترجعيه معاه.
لو المنتج ما عجبنيش بعد ما يوصل، نقدر نرجعه او نبدله؟
لما يوصلك المندوب الافضل تخليه يجيك لما انتي في الحوش عشان تقدري تشوفي وتقيسي لصغارك وتاخدي لي تبيه والباقي ترجعيه ومع دلك حتى لو استلمتي خارج البيت نعم، عندك استبدال واسترجاع خلال 7 أيام.
طرق الدفع المتاحة
كاش . حوالة . بطاقة
ملاحظة بخصوص البطاقة المصرفية يجيك المندوب بالماكينة ( متاحة داخل طرابلس و بنغازي و الزاوية الى زوارة خط الغربي فقط )
خايفة نطلب ونندم… شن يضمنلي؟
لبسنا أكثر من 50 ألف طفل 🤍 وعندك أكثر من حل يخليك تطلبي وإنتِ مطمنة.
تقدري تتأكدي من طلبك وقت ما يوصلك المندوب، وعندنا استبدال واسترجاع خلال 7 أيام.
وعادي جدًا لو في منتج ما عجبكش؛ عندنا آلاف المنتجات، والناس أذواق، وإحنا نحترم اختيارك وحقك إنك تاخذي الشيء اللي يناسبك فعلًا
من يدفع التوصيل في الاستبدال و الاسترجاع
لو وصلك مقاس غير مناسب ليك، أو صار خطأ في الطلب من طرفنا، لاقجري بيبي تتحمل تكلفة التوصيل كاملة، طالما الطلب داخل مدة الاستبدال والاسترجاع المسموح بها.
أما لو حبيتي تبدلي المنتج بدون وجود مشكلة فيه وبعد ما كان عندك فرصة تشوفيه وتتأكدي منه وقت الاستلام، فيُفضّل إن تكلفة التوصيل تكون على الزبون.
ومع هذا، إحنا ما نبوّش تكلفة التوصيل تكون سبب يخليك غير راضية 🤍 لو في أي ظرف يمنعك، تدفيعه اكيد شركتنا رح تتكفل .
سرعة التوصيل ؟
سرعة التوصيل تعتمد على منطقتك وضغط الطلبات.
داخل وسط طرابلس غالبًا يوصل الطلب في نفس اليوم أو اليوم اللي بعده، والضواحي كذلك في العادة تكون سريعة حسب المنطقة.
أما خارج طرابلس، فنقوم بتسليم الطلبات لشركات التوصيل والمندوبين بشكل يومي فور تجهيزها، وغالبًا تستغرق من يومين إلى 3 أيام.
ملاحظة: الخميس والجمعة تُعتبر نهاية أسبوع عند أغلب شركات التوصيل، فإذا طلبتي خلالهم احسبي مدة التوصيل ابتداءً من السبت.